Türkmenistan we Özbegistandan 200-den gowrak telekeçi Aşgabatda B2B duşuşygyny geçirdi

Aşgabatda Türkmenistandan we Özbegistandan 200-den gowrak telekeçi önüm üpjünçiligi, özara söwdany giňeltmek we bilelikdäki taslamalar baradaky B2B duşuşygyna gatnaşdy. Duşuşyga Türkmenistanyň Söwda-senagat palatasy hem gatnaşdy; bu barada Özbegistanyň Söwda-senagat palatasynyň habarynda aýdylýar.

Türkmen we özbek telekeçileri gönüden-göni gepleşikler geçirdi. Özbek kärhanalary gurluşyk materiallary, azyk we himiýa, ýeňil senagat we tekstil, awtomobil, elektrotehnika, mebel we oba hojalygy pudaklarynda öz önümlerini we hyzmatlaryny hödürledi. Taraplar üpjünçilik, söwda göwrümini ýokarlandyrmak we bilelikdäki taslamalar boýunça ylalaşyga geldi.

Özbegistanyň Söwda-senagat palatasynyň başlygynyň orunbasary Odilhon Rustamow işewür wekillerini bar mümkinçiliklerden has işjeň peýdalanmaga çagyrdy. Duşuşyk Özbek palatasynyň we Kiçi telekeçilik assosiasiýasynyň initiwatiwasy bilen guralypdyr. 150-den gowrak özbek telekeçi hem 3–5-nji noýabrda Aşgabatda CIET 2026 sergisine gatnaşýar.