Tokaýew, Rahmon, Mirziýoýew we Berdimuhamedow Astanada Akaba prosesiniň sammitini açdy

Astanada Gazagystanyň, Täjigistanyň, Türkmenistanyň we Özbegistanyň prezidentleriniň we Iordaniýanyň patyşasynyň gatnaşmagynda Akaba prosesiniň sammiti başlandy. Akordanyň habaryna görä, sammit «Süni intellekt pudagynda howpsuzlyk» temasyna bagyşlanýar. Habary NUR.KZ berdi.

Sammitiň gatnaşyjylary arasynda Gasym-Jomart Tokaýew, Iordaniýanyň patyşasy Abdulla II bin al-Huseýin, Emomali Rahmon, Serdar Berdimuhamedow we Şawkat Mirziýoýew bar. Şeýle hem Azerbaýjanyň Milli Mejlisiniň spikeri Sahiba Gafarowa, Gyrgyzystanyň daşary işler ministri Jeenbek Kulubaýew we beýleki resmiler gatnaşýar.

Akaba prosesi 2015-nji ýylda Iordaniýanyň patyşasy Abdulla II bin al-Huseýin tarapyndan öňe sürülen, terrorçylyga we zorlukly ekstremizme garşy göreşdäki halkara başlangyçdyr. Format döwlet baştutanlaryny, gizlin gullugyň ýolbaşçylaryny, harby edaralary we halkara guramalary birleşdirýär; howpuň barlygy barada umumy düşünje döretmek we amaly jogap çäreleri üstünde ylalaşmak maksadyny güdýär.