BYD Gyrgyzystanyň Bişkek şäherinde estakadaly monorels gurup biler

Gyrgyzystanyň Prezidentiniň aýratyn tabşyryklar boýunça ýörite wekili Bakyt Torobaýew 2026-njy ýylyň 6-njy noýabrynda Bişkekde Hytaýyň BYD kompaniýasynyň wekiller topary bilen duşuşdy. Topar Torobaýewiň çakylygy bilen Gyrgyzystana iş saparyna gelipdi.

Duşuşykda taraplar Bişkekde estakadaly monorels ulgamyny gurmak taslamasynyň durmuşa geçirilişini jikme-jik ara alyp maslahatlaşdy we bu ugurda geljekki hyzmatdaşlygyň mümkinçiliklerini gözden geçirdi. Taslama esasan sosial häsiýetli bolup, paýtagtyň möhüm meselelerinden biri bolan ulag kynçylyklaryny azaltmaga we şäherdäki umumy ulag ýagdaýyny gowulandyrmaga gönükdirilendir.

Taraflar taslama toplumlaýyn çemeleşmäniň möhümdigini nygtap, onuň Bişkekde häzirki zamanyň ulag infrastrukturasyny ösdürmekdäki, ilatyň hereketliligini ýokarlandyrmakdaky we şäher gurşawynyň hilini gowulandyrmakdaky potensial orny barada belledi. Duşuşyga Bişkek şäher häkimliginiň, Maliýe ministrliginiň, Ulag we aragatnaşyk ministrliginiň wekilleri we beýlekiler gatnaşdy. 1995-nji ýylda esaslandyrylan we merkezi Şenjende ýerleşen BYD, SkyRail asma monorels ulgamyny ösdürýär.