Türkmenistan Şanhaýdaky CIIE sergisinde milli pawilýony bilen gatnaşýar

Türkmenistan Hytaý Halk Respublikasynyň Şanhaý şäherinde geçirilýän 9-njy «China International Import Expo» (CIIE) sergisine milli pawilýony bilen gatnaşýar. Sergi 2018-nji ýyldan bäri her ýyl noýabr aýynda geçirilýär we bu ýyl 5-nji noýabrda işine başlady.

Sergä 162 döwletiň, sebitiň we halkara guramalarynyň wekilleri gatnaşýar. Takmynan 440 müň inedördül metr meýdany eýeleýän sergi merkezinde 4142 daşary ýurtly gatnaşyjy bar. Milli pawilýony bilen gatnaşýan 69 döwletiň arasynda Türkmenistan hem bar.

Türkmen pawilýonynda ýurdumyzda öndürilen harytlar, söwda-ykdysady we maýa goýum hyzmatdaşlygynyň mümkinçilikleri sergilenýär. Daşary ýurtly myhmanlar halkymyzyň milli medeni miras bilen tanyşmak mümkinçiligine eýe bolýarlar. Serginiň çäklerinde türkmen-hytaý işewürlik forumy geçirmek hem meýilleşdirilýär.