Bolgariýanyň prezidenti Iliýana Ýotowa: häzirki wagtda milli howpsuzlyga howp ýok

Bolgariýanyň prezidenti Iliýana Ýotowa Nova TV-ä beren beýannamasynda Gara deňziň howpsuzlygyna degişli dürli ugurlarda töwekgelçilikler we howpluklar bardygyny, ýöne häzirki wagtda milli howpsuzlyga ýöneläp howp ýokdugyny belledi. Ol güýçlendirilen diplomatik synanyşyklaryň netijesinde Bolgariýanyň we Rumyniýanyň Gara deňiz meselesiniň aýry bölüm astynda ele alynmagyna üstünlik gazanandygyny nygtady.

Ýewropa Geňeşiniň Gara deňizde dört gämä garşy hüjümleriň Russiýa tarapyndan amala aşyrylandygy baradaky bahasyna ünsi çekip, Ýotowa bu dawany tassyklaýan subutnamalar hödürlenen ýagdaýynda Bolgariýanyň zerur diplomatik ädimleri ätmekden çekinmejekdigini aýtdy. Bu ädimler Russiýa nota iberilmegini we ilçiniň maslahatlaşmak üçin çagyrylmagyny öz içine alýar.

Ýotowa iň uly ileri tutulýan işiniň Gara deňizdäki harby işjeňligi togtatmak üçin moratoriýa ýetmek maksady bilen ähli derejelerde giňden maslahatlaşmalary geçirmekdigini belledi. Söweşler dowam edýänçä howpsuzlyk meseleleriniň tamamlanmajakdygyny, tersine artjakdygyny aýdan Ýotowa, uruş gutarandan soňam Bolgariýanyň esgerleriniň Ukrainada parahatçylyk güýji çäginde hyzmat etmeli däldigini nygtady.