Gazagystanyň IT hyzmatlarynyň eksporty 34 esse ösdi

Gazagystanyň Premýer-ministri Olžas Bektenow ŞHG Hökümet Başlyklarynyň Geňeşiniň mejlisinde ýurduň ŞHG döwletleri bilen serhetden geçýän töleglerinin takmynan 70 göterimi eýýäm milli walýutalarda amala aşyrylýandygyny aýtdy.

Bektenowyň sözlerine görä, hyzmatdaşlygyň ileri tutulýan ugurlary söwdany ýeňilleşdirmek we transport koridorlaryny ösdürmekdir. Ol Transkaspiý halkara transport marşrutyna aýratyn üns berilýändigini belläp, bu marşrut boýunça daşalýan ýük göwrümini ýylda on million tonna çykarmak meýilleşdirilýändigini aýtdy. Gazagystan şeýle hem sanly ulgamdaky hyzmatdaşlygy giňeltmegi we ŞHG howandarlygynda suwenen intellekt merkezleriniň toruny döretmegi teklip etdi.

Bektenow soňky bäş ýylda Gazagystanyň IT hyzmatlarynyň eksportynyň 34 esse artyp, bir milliard dollardan geçendigini bildirdi. Ýurt sebitleýin sanly merkez hökmünde ornuny berkitmegi we tehnologiki çözgütlerini hyzmatdaşlary bilen paýlaşmagy maksat edinýär.