Energetika pudagyna taryhda ilkinji gezek 300 million dollar bölünýär

Gyrgyzystanda energetika pudagyna taryhda ilkinji gezek 300 million dollar serişde bölünendigi habar berildi. Bu barada energetika ministri Altynbek Rysbekow Ýokary Kengeşiň mejlisinde mälim etdi.

Ministriň belleýşine görä, bu serişdeler hasabyna Kemin kuwwat merkezinden Kara-Balta şäherindäki Frunze kuwwat merkezine çenli goşmaça 500 kilowolt liniýa çekiler. Şeýle hem Bişkekde täze 500 kilowolt kuwwat merkezi guruljak.

Rysbekow ähli işleri iki ýyl içinde tamamlamagy meýilleşdirýändiklerini aýdypdyr. Onuň sözlerine görä, bu taslamalar tamamlanansoň Bişkek şäheriniň elektrik energiýasy bilen üpjünçiligi meselesi doly çözüler.