Sadyr Žaparow döwlet edaralaryna 2030-njy ýyla çenli 10 sany wezipe berdi

Gyrgyzystanyň Prezidenti Sadyr Žaparow 2026-njy ýylyň 21-nji oktýabrynda Bişkekde geçirilen respublika maslahatynda Ministrler Kabinetine we merkezi döwlet edaralaryna 2030-njy ýylyň ahyryna çenliykdysady ösüşi üpjün etmek, maýa goýumlary çekmek, hususy eýeçiligi goramak we sebitleri ösdürmek boýunça 10 esasy wezipe berdi.

Döwlet başlygynyň belleýşine görä, goýlan maksatlar arasynda makroykdysady durnuklylygy üpjün etmek, ýalpy içki önümiň hakyky ösüş depgini ýyllyk ortaça esasynda azyndan 8 göterim derejesinde saklamak we göni daşary ýurt maýa goýumlarynyň akymyny her ýyl 20 göterime çenli ýokarlandyrmak bar.

Wezipeler arasynda kazyýet edaralary bilen bilelikde hususy eýeçiligi we telekeçiligi goldaýan konsepsiýany taýýarlamak, eksporta ugrukdyrylan hyzmat pudagynyň modelini işläp taýýarlamak, söwda we gümrük syýasatyny döwrebap etmek, rugsat resminamalaryny almagy ýönekeýleşdirmek, maliýeleşdiriş ulgamyny uzak möhletli maýa goýumlara ugrukdyrmak, bilim ulgamyny bu modele laýyklaşdyrmak, jemgyýetçilik taýdan gorag mätäçligindäki toparlara nyşana alnan goldaw bermek we býujetler arasyndaky gatnaşyklary gaýtadan seljermek bar.