KÇGŞ-niň baş sekretary: Ermenistan hakykatda guramadan çykdy

Kollektiw howpsuzlyk şertnamasy guramasynyň (KÇGŞ) baş sekretary Taalatbek Masadykow, Ermenistanyň hakykatda bu guramadan çykandygyny bildirdi. Azerbaýjanyň APA habar agentliginiň habaryna görä, Masadykow bu pikirini TASS-a beren beýanatynda aýdypdyr.

Masadykowyň sözlerine görä, KÇGŞ agza ýurtlara guramanyň işi bilen baglanyşykly resminamalary iberýär, emma Ermenistan tarap ara alyp maslahatlaşmalarda we karar kabul etmekde gatnaşmaýar. Şeýle-de Erewan çäkli görnüşde kabul edilen kararlara garşy çykmaýar we guramanyň işine päsgel bermeýär. Baş sekretar Ermenistanyň guramanyň esasy çärelerine we harby tälimlerine gatnaşmaýandygyny, diňe hepdelik hasabatlary diňleýändigini belledi.

Baş sekretar bu ýagdaýyň KÇGŞ-niň Düzgünnamasynyň 25-nji maddasy bilen baglanyşykly bolup, Ermenistanyň hakykatda guramadan özi çykandygyny hasap edýär. Habarda, şeýle hem Ermenistanyň Premýer-ministri Nikol Paşinýanyň parlamentdäki çykyşynda ýurdunyň KÇGŞ-den çykmagyny goldaýandygy we şeýle karar kabul edilse begenjini aýdandygy ýatladylýar.