Saha Respublikasynda bäş modul ambulatoriýa açyldy

Saha Respublikasynda 22-nji oktýabrda bäş täze modul görnüşli ambulatoriýa bir wagtyň özünde açyldy. Olar Ust-Aldan uluşunyň Beýdinge, Ýokarky Wilýuý uluşunyň Boötuluu, Nam uluşunyň Kiriýes-Kytyla, Ňurba uluşunyň Çappanda ýaşaýyş punktlarynda hem-de Ýakutskdaky Marha mikrorawonynda ýerleşýär.

Çäräni wideo arkaly respublikanyň baştutany Aisen Nikolaýew gatnaşdy. «Respublikanyň her bir ýerli ilatynyň, merkezi şäherde-de, uzakdaky ýaşaýyş ýerinde-de, zerur bolanda hilli lukmançylyk kömegini almagy möhümdir», — diýip, ol belledi.

Bäş ambulatoriýanyň hemmesi häzirki zaman enjamlary bilen üpjün edildi we ilkinji lukmançylyk kömegini bermäge niýetlenendir. Marhada uly ýaşulylar we çagalar üçin aýratyn prosedura we bejeriş otaglary döredildi. Gurluşyga we üpjünçilige Russiýa Prezidenti Wladimir Putiniň teklibi bilen başlanan «Uzak we işjeň durmuş» milli taslamasynyň çäklerinde 91,8 million rubl göz öňünde tutuldy. Nikolaýew 2018-nji ýyldan bäri respublikada 130-dan gowrak saglygy goraýyş desgasynyň işe girizilendigini belledi.