Prezident: 2019-njy ýyldan bäri Gazagystanyň ykdysadyýeti takmynan 30 göterim ösdi

Gazagystanyň Prezidenti Kasym-Žomart Tokaýew Respublika güni mynasybetli dabaraly ýygnakda konstitusiýa reformalary we ýurdun ykdysadyýetiniň ösüşi barada söz etdi. Egemen.kz-iň habaryna görä, Tokaýew täze Konstitusiýa esasynda bir palataly Kurultaýyň döredilendigini we wise-prezident institutynyň işe girizilendigini aýtdy.

Tokaýewiň sözlerine görä, 2019-njy ýyldan bäri ykdysadyýet takmynan 30 göterim ösen we adam başyna düşýän umumy içerki önümçilik 15 müň dollardan geçen. "Milli gaznasy – çagalara" taslamasy çäklerinde 7 million çaganyň hasabyna 2,5 milliard dollar geçirilen, geçen ýyl bolsa 20 million metr kwadrat jaý gurlupdyr.

Prezident, şeýle hem, ortaça ömrüň dowamlylygynyň 76 ýaşa golaýlandygyny we kiçi we orta telekeçiligiň umumy içerki önümçiliktäki paýynyň 40 göterime ýetendigini aýtdy. Tokaýew Respublika güni mynasybetli halkyny gutlady.