Türkiýäniň daşary işler ministri Hakan Fidan: Eýrana täze hüjüm sebitdäki urşy giňelder

Türkiýäniň daşary işler ministri Hakan Fidan, R4 (Türkiýe, Müsür, Pakistan, Saud Arabystany) we Italiýanyň gatnaşmagy bilen geçirilen R4+E3 (Angliýa, Germaniýa, Fransiýa) daşary işler ministrleriniň duşuşyklaryndan soň Stambulda metbugat konferensiýasynda çykyş etdi. Fidan, gatnaşyjy ýurtlaryň, esasan hem Eýrana garşy täzeden ediljek hüjümiň sebitdäki urşy we çaknyşygy ýene-de giňeltjekdigi baradaky pikirde birmeňzeşdigini aýtdy.

Fidan, masanyň daşyndaky ähli ýurtlaryň urşuň has-da giňemegini islemeýändiklerini we Pars aýlagynda hem-de Ukrainada urşuň gysga wagtda togtamagyny we ateşkesi goldaýandyklaryny aýtdy. Hormuz bogazynyň gysga wagtda açylmalydygyny nygtan Fidan, Eýrana garşy harby çözgüdiň hiç bir ýagdaýda çözgüt däldigini we diplomatiýanyň iň dogry ýol bolup durandygyny belledi.

Ukrainadaky urşa degişli bolsa, gatnaşyjylaryň umumy garaýşy mümkin boldugyça gysga wagtda ateşkesiň we oňa esaslanan parahatçylyk şertnamasynyň durmuşa geçmegidir. Fidan Gara deňizde deňiz gatnawynyň howpsuzlygy baradaky talabyň hem bardygyny goşdy. Türkiýäniň Galla başlangyjy ýaly roluny ýatladan Fidan, urş durmasa energiýa we galla boýunça istisnanyň girizilmelidigini we Ukrainada hem-de Russiýada bar bolan gallanyň dünýä bazarlaryna nädip çykarylmagy barada gepleşikleriň dowam edýändigini aýtdy.