Demirgazyk Makedoniýanyň ministri Zülfikar Zeynula ilkinji resmi saparyny Türkiýä etdi

Türk Demokratik partiýasynyň (TDP) lideri we Demirgazyk Makedoniýanyň Hökümetinde Halkara hyzmatdaşlygy we daşary ýurt maýadarlygy boýunça ministr Zülfikar Zeynula ministrlik wezipesini ele alandan soň ilkinji resmi daşary ýurt saparyny Türkiýe Respublikasyna etdi. Zeynula sapar dowamynda Türkiýäniň Daşary işler ministri Hakan Fidan bilen duşuşdy.

Duşuşykda Türkiýe bilen Demirgazyk Makedoniýanyň arasyndaky taryhy we çuňňur doganlyk baglanyşyklary, iki ýurduň arasyndaky strategiki hyzmatdaşlygy güçlendirmek mümkinçilikleri hem-de Demirgazyk Makedoniýadaky türk jemgyýetiniň geljegi üçin möhüm meseleler ara alyndy. TDP-niň beýanatynda ana Watan Türkiýe bilen berk baglanyşyklaryň partiýanyň we ýurtdaky türk jemgyýetiniň iň uly gymmatlyklarynyň biri bolandygy nygtaldy.

Beýanatda türk jemgyýetiniň hukuklarynyň, milli kimliginiň we geljegini goramagyň, Türkiýe bilen berk goldaw we hyzmatdaşlyk çäginde partiýanyň ileri tutulýan maksatlarynyň arasynda galmagyny dowam etjekdigi aýdyldy. Zeynula görkezen gyzyklanmasy, samimi mähman dostlugy we gymmatly goldawy üçin Hakan Fidana minnetdarlyk bildirdi.