Türkmenistanda Türkmen alabaýy güni bellenýär, Serdar Berdimuhamedow gutlady

Türkmenistanda her ýylyň oktýabr aýynyň iň soňky ýekşenbesi Türkmen alabaýy güni hökmünde bellenilýär. Bu mynasybetli Prezident Serdar Berdimuhamedow raýatlary we it ösdürijileri gutlady. Ol türkmen alabaýyny dünýädäki iň gadymy itlerden biri we milli mirasyň nyşany hökmünde häsiýetlendirdi.

Prezident ýurtda alabaýlaryň ösdürilip ýetişdirilmegi boýunça giň işiň alnyp barylýandygyny, bu itleriň dünýäde giňden tanadylýandygyny we itçilik pudagynyň ösdürilýändigini belledi. Şu maksat bilen «Türkmen alabaý itleri» Halkara assosiasiýasy döredildi we daşary ýurtlar bilen hyzmatdaşlyk ösdürilýär. Ähli welaýatlarda we Aşgabatda dünýä standartlaryna laýyk merkezler gurlup, her ýyl «Ýylyň türkmen edermen alabaýy» bäsleşikleri geçirilýär.

Prezident 2025-nji ýylyň dekabrynda Hindistanyň Nýu-Deli şäherinde geçirilen UNESKO-nyň Maddy däl medeni mirasy goramak boýunça Hökümetara komitetiniň 20-nji mejlisinde «Türkmen alabaýyny ösdürip ýetişdirmegiň sungaty» adamzadyň Maddy däl medeni mirasynyň Wekilçilik sanawyna girizildi. Prezident pudagyň ösüşine ilkinji ähmiýet beriljekdigini we ösdürijileriň iş we ýaşaýyş şertleriniň gowulandyrylmagyny belledi.