Şri-Lanka we Müsür prezidentleri Türkmenistanyň Garaşsyzlyk gününi gutlady

Şri-Lankanyň Prezidenti Anura Kumara Dissanaýake we Müsüriň Prezidenti Abdel Fattah as-Sisi Türkmenistanyň Prezidenti Serdar Berdimuhamedowa hat ugradyp, Türkmenistanyň Garaşsyzlyk gününi gutlady.

Dissanaýake hatynda Demokratik Sosialistik Şri-Lanka Respublikasynyň Hökümeti we halky adyndan ýylylyk salamlaryny we samimi gutlaglaryny ýetirdi. Ol Şri-Lanka bilen Türkmenistanyň arasyndaky gatnaşyklaryň özara ynam we dostluk esasynda gurulandygyny belläp, ikitaraplaýyn gatnaşyklaryň geljekde-de giňelljekdigine, iki halkyň abadançylygy üçin täze hyzmatdaşlyk ugurlaryny açjakdygyna ynanýandygyny aýtdy.

Sisi Müsür bilen Türkmenistanyň arasyndaky gatnaşyklara ýokary baha berdi we iki halkyň bähbidi üçin konstruktiw hyzmatdaşlygy giňeltmek boýunça bilelikde işlemäge taýyndygyny tassyklady. Ol Türkmenistanyň ýolbaşçysyna iň oňat arzuwlaryny ýetirip, Türkmenistan halkyna ösüş we abadançylyk arzuw etdi.