Bolgariýa pensiýa gaznalarynyň serişdeleri bilen ýol gurar

Bolgariýa ikinji pensiýa üçin toplanan gaznanyň serişdelerini sygurtalananlara girdeji getirmek maksady bilen ýurtdaky ýol gurluşyk işlerine goýar. Premýer-ministr Rumen Radew bu barada 2026-njy ýylyň 27-nji oktýabrynda, sişenbe güni, Delphi Ykdysady Forumy tarapyndan guralan Sofiýa Ykdysady Forumynyň ýedinji mejlisinde çykyş edip, hususy pensiýa gaznalaryna tölenýän haklaryň girdeji getirjek görnüşde goýulmagyna mümkinçilik berjekdigini aýtdy.

Radew 23-nji oktýabrda hususy pensiýa gaznalary barada Bolgariýa Gymmatly kagyzlar biržasynyň wekilleri bilen duşuşandygyny belledi. Serişdeleri hereketlendirmek maksady bilen Milli Maýa goýum kompaniýasynyň döredilmegini habar berdi.

Ulag ministri Georgi Peew forumdaky çykyşynda Bolgariýanyň Gresiýa bilen Kawala portusundan paý satyn almak boýunça gepleşikler alyp barýandygyny habar berdi. Peewiň sözlerine görä, şeýle hyzmatdaşlyk Egey deňzi ugry boýunça ulag we logistika ukybyny ýokarlandyrar we Bolgariýa, Gresiýa we Rumyniýanyň arasyndaky baglanyşyklaryň ösdürilmegine goşant goşar.