Demirgazyk Kipr: Hakan Dinçýürek Milli Birlik partiýasynyň ýol kartasyny mälim etdi

Saglyk ministri Hakan Dinçýürek partiýadaşlar we agzalar bilen geçiren gepleşikleriniň soňunda, indiki prosesde izlejek ýol kartasy barada mälim etdi. Dinçýürek Milli Birlik partiýasyny has öňe alyp barmak we halka hyzmat etjek kadrlary emele getirmek üçin göreşi dowam etdirjekdiklerini belleýär.

Dinçýürek duruşlaryndan, ýörelgelerinden we göreş azmyndan ýüz öwürmejekdiklerini nygtap, göreşiň şahsy hasaplaryň däl-de, umumy maksatlaryň we ýörelgeleriň göreşidigini aýtdy. Onuň sözlerine görä, birlik, kararlylyk we umumy akyl bilen aşyp bolmajak päsgel ýokdur.

Dinçýürek şu güne çenli bolşy ýaly, indi-de ynanýan ýörelgeleri üçin, özlerine ynanan adamlaryň jogapkärçiligini göterip, öz ýoluny dowam etjekdiklerini belleýär. Ol mälimatyny «6-njy dekabrda ýurdumyz, halkymyz we partiýamyz üçin sandykda duşuşmak üzere…» sözleri bilen tamamlady.