Slowakiýa Demirgazyk Makedoniýanyň Ýewropa Bileleşigine agza bolmagyny goldaýar

Slowakiýanyň Daşary işler we Ýewropa işleri ministri Ýuraj Blanar Skopýede kärdeşi Timço Mucunski bilen bilelikde geçiren metbugat konferensiýasynda, ýurdunyň Demirgazyk Makedoniýanyň Ýewropa Bileleşigine agza bolmak prosesine güýçli goldawyny gaýtalady.

Blanar dalaşgär ýurtlaryň arasynda goşa standartlaryň ulanylmaly däldigini belläp, Ýewropa Bileleşiginiň sebite agzalygyň hakyky maksat bolup durandygy barada aýdyň habar bermeli dygini aýtdy. Başga türlü, dalaşgär ýurtlaryň arasynda umytsyzlygyň artjakdygyny we sebiti ýitirmek howpy bilen ýüzbe-ýüz boljakdyklaryny duýdurdy. Ukrainanyň, Moldowanyň we Gruziýanyň mysallaryna degen Blanar, dürli ýurtlar üçin dürli ölçegleri kabul edip bolmajagyny aňlatdy.

Blanar 2004-nji ýyldaky Salonik sammitinde berlen wadalaryň ýerine ýetirilmeýändigine ünsi çekdi we Demirgazyk Makedoniýanyň Slowakiýanyň güýçli goldawyna bil baglap biljekdigini belledi. Ýurdy Ýewropa Bileleşiginiň Ösüş meýilnamasyny durmuşa geçirmekde üstünlikli nusga hökmünde alkyşlan ministr, hökümetiň reformalara we Ýewropa integrasiýasy prosesine berk bagly bolandygyny aýtdy.