Türkiýe ýerli dem alyş enjamlaryny 45 ýurda, şok enjamlaryny 16 ýurda eksport edýär

Saglyk ministri Kemal Memişoglu saglyk senagatyny ýurduň esasy pudaklarynyň birine öwrüp ýatandyklaryny aýdyp, ýerli dem alyş enjamlaryny 45 ýurda, awtomatik şok enjamlaryny 16 ýurda eksport edýändiklerini beýan etdi. Ol bu sözleri Stambulda, Prezident Recep Tayyip Erdoganyň gatnaşmagynda geçirilen 12-nji Türk lukmançylyk dünýäsi kongresinde we TÜSEB Aziz Sancar baýraklary dabarasynda aýtdy.

Memişoglu Türkiýede 1500-den gowrak hassahana we 1,5 million saglyk işgäri bardygyny, 28 şäher hassahanasynyň ulanyşa berlendigini, 11-siniň gurluşygynyň we 11-siniň taslama işleriniň dowam edýändigini habar berdi. Ýerli rentgen enjamlarynyň we intensiw terapiýa monitorlarynyň giňden ulanylýandygyny, iki ýylyň ahyrynda ähli bölekleri ýerli bolan ultrases enjamlarynyň öndürilmegini belläp geçdi.

Ministr semizlik, hereketsizlik we tütün ulanmak bilen göreşýändiklerini aýtdy. Saglyk pudagynda pikiri bar ähli adamy uretensaglik.gov.tr salgysynda duşuşmaga çagyran Memişoglu, “Biz keseller däl, Saglyk ministrligi” diýdi.