Gazagystanda 2025-nji ýylda tuberkulýoz keseliniň ýüze çykmagy 9,9% azaldy

Gazagystanyň Saglygy goraýyş ministrliginiň maglumatyna görä, 2025-nji ýylyň jemi boýunça ýurtda tuberkulýoz keseliniň ýüze çykmagy 9,9%, ölüm ýagdaýlary bolsa 10% azalypdyr. Ministrlik bu netijäni häzirki zaman diagnostikasy, netijeli dermanlar we ähli raýatlar üçin bejergiň kepillendirilmegi bilen düşündirýär.

Bu meseleler Almatyda geçirilen halkara konferensiýada ara alyndy. Konferensiýa Gazagystanyň, Özbegistanyň, Gyrgyzystanyň, Gruziýanyň we sebitiň beýleki ýurtlaryndan hünärmenler gatnaşdy.

Ýurtda gysgaldylan bejergi shemalarynyň ulanylmagy giňeldilýär. Derman garşylygy bolan tuberkulýoz üçin ukolsyz, alty aýlyk BPaL we BPaLM režimleri ornaşdyrylýar. Bu režimler adaty kurslardan gysga bolup, pasiýentler üçin has aňsat geçýär. Halkara "1×1×1" strategiýasy gizlin infeksiýany bir günde, işjeň tuberkulýozy bolsa bir aýda bejermegi we täze usullaryň tassyklanandan soňra bir ýyl içinde elýeterli bolmagyny maksat edinýär. Munuň üçin ýurtlar diagnostikany ösdürmeli, klinik protokollary täzelemeli we düzgünleşdirijileri taýýarlamaly.