Bolgariýada Iliýana Ýotowa prezident saýlawlarynda ýeňiş gazanýar

Bolgariýanyň Merkezi saýlaw komissiýasy (MSK) prezident saýlawynyň ikinji turunda sesleriň sanalmagynyň resmi netijelerini yglan etdi.

MSK-nyň web sahypasynda çap edilen maglumata görä, prezident we wise-prezident wezipelerine dalaş edýän Iliýana Ýotowa we Kiril Wylçew saýlawçylaryň sesleriniň 57,636 göterimini topladylar. Olara 1 million 77 müňden hem köp saýlawçy ses beripdir. Habary Trend agentligi Bakuwdan ýaýratdy.

Beýleki dalaşgärler Andrey Gyurow we Georgi Kandew bolsa sesleriň 39,402 göterimini, takmynan 736 müň sesi aldylar. Netijeler ýerli wagt bilen sagat 03:00 ýagdaýyna görä, saýlaw komissiýalarynyň protokollarynyň 98,43 göterimi esasynda hasaplanyldy. Saýlawyň ahyryky netijeleriniň 4-nji noýabrdan gijikdirilmezden yglan edilmegi garaşylýar.