Garibabadi: Hormuz bogazyndaky kynçylyklaryň sebäbi Eýrana garşy agressiýa we blokada

Eýranyň daşary işler ministriniň orunbasary Kazym Garibabadi Asiýada Özara Hereket we Ynanç Çäreleri boýunça Maslahatlaşma (AQEM) sammitindäki çykyşynda, Eýranyň goňşular bilen gatnaşyklary gowulandyrmaga çalyşýandygyny we hiç bir ýurduň öz territoriýasyny Eýrana garşy ýaragly hüjümler üçin ulanmaga rugsat bermeli däldigini aýtdy.

Garibabadi Hormuz bogazynyň onlarça ýyl bäri açyk we kynçylyksyz işleýändigini belledi. Onuň sözlerine görä, häzirki kynçylyklaryň esasy sebäbi Eýrana garşy harby agressiýa we ýurda ulanylýan deňiz blokadasydyr. «Gämiçiligiň howpsuzlygy kenaryndaky döwletleriň howpsuzlygy bilen baglanyşyklydyr. Şol bir wagtda kenaryndaky döwletleriň howpsuzlygyny göz öňünde tutmazdan erkin gämiçilik hukugyny goramak mümkin däldir», – diýip, ol nygtady.

Nazir orunbasary sebitde parahatçylygyň we durnuklylygyň berkarar bolmagy, Hormuz bogazyndan howpsuz geçişiň üpjün edilmegi üçin agressiýanyň togtadylmalydygyny, Eýrana garşy deňiz blokadasy we sanksiýalaryň doly ýatyrylmalydygyny hem-de ýurduň suwerenliginiň we territorial bitewiligine hormat goýulmalydygyny aýtdy.