Gyrgyzystanda energetik içgileriň öndürilmegini we import edilmegini gadagan etmek meýilleşdirilýär

Gyrgyzystanyň Prezidenti Sadyr Žaparow hökümete bir aýyň dowamynda energetik içgileriň öndürilmegi we import edilmegi barada gadagan etmek meselesini seredip çykmagy, alty aýyň dowamynda bolsa degişli kadalaşdyryjy çäreleri görmegi tabşyrdy. Prezident bu barada Facebook sahypasynda habar berdi.

Žaparowyň aýtmagyna görä, energetik içgileriň dolanyşygyny çäklendirmek boýunça köp sanly ýüz tutmalar alynypdyr. Berlen maglumatlara görä, 2025-nji ýylda ýurtda 54,199 million litr energetik içgi sarp edilipdir, 2026-njy ýylyň ilkinji ýarymynda bolsa bu görkezije 36,083 million litre ýetipdir. Prezident, esasanam ýaşlaryň we ýetginjekleriň saglygy üçin töwekgelçiliklerden alada edýändigini belledi.

Ilkibaşky hasaplamalara görä, gadagançylyk býujetiň takmynan 1,5 milliard som salgyt girdejisini ýitirmegine sebäp bolup biler. Gyrgyzystanda energetik içgileriň mahabaty 2023-nji ýylyň iýulyndan bäri gadagan edilýär. 2026-njy ýylyň oktýabrynda Žogorku Keneş bu meseläni öwrenmek üçin wagtlaýyn deputatlar komissiýasyny döretdi.