Qırğızıstanda enerji içkilərinin istehsal və idxalının qadağan edilməsi planlaşdırılır

Qırğızıstan Prezidenti Sadır Caparov hökumətə bir ay ərzində enerji içkilərinin istehsal və idxalının qadağan edilməsi məsələsini araşdırmağı, altı ay ərzində isə müvafiq tənzimləyici tədbirlər görməyi tapşırıb. Prezident bu barədə Facebook səhifəsində məlumat verib.

Caparov bildirib ki, enerji içkilərinin dövriyyəsinin məhdudlaşdırılması ilə bağlı çoxlu müraciət alıb. Təqdim olunan rəqəmlərə görə, 2025-ci ildə ölkədə 54,199 milyon litr enerji içkisi istehlak edilib, 2026-cı ilin birinci yarısında isə bu rəqəm 36,083 milyon litrə çatıb. Prezident, xüsusilə gənclər və yeniyetmələr üçün sağlamlıq riskləri barədə narahatlığını ifadə edib.

İlkin hesablamalara görə, qadağa büdcənin təxminən 1,5 milyard som vergi gəlirini itirməsinə səbəb ola bilər. Qırğızıstanda enerji içkiləri üzrə reklam 2023-cü ilin iyulundan qadağandır. 2026-cı ilin oktyabrında Jogorku Kengeş bu məsələni öyrənmək üçün müvəqqəti deputat komissiyası yaradıb.