Azerbaýjan: indiki ýyldan GBS we akcizli harytlar boýunça üýtgeşmeler

6-njy noýabrda AZERTAC habar berişi ýaly, Döwlet salgyt gullugynyň başlygy Orhan Nazarly Milli Mejlisiň Ykdysady syýasat, senagat we telekeçilik komitetiniň mejlisinde indiki ýyldan salgyt bazasyny giňeltmek maksady bilen akcizli harytlaryň sanawynyň hem giňeldiljekdigini aýtdy.

Ol salgyt gözegçilik mehanizmlerini güýçlendirmek boýunça täze çemeleşmäniň göz öňünde tutulandygyny we bu çemeleşmäniň raýatlar üçin gyzykly bolup biljekdigini belläp geçdi. Üýtgeşmeler taslamasynda jemgyýetçilik gözegçiligi mehanizmlerini kämilleşdirmek we olaryň gurşawyny giňeltmek göz öňünde tutulýar.

Häzirki wagtda GBS töleýjilerden satyn alnan harytlar we hyzmatlar üçin töleýän GBS-iň bir bölegini yzyna gaýtarmak mehanizmi işleýär. Orhan Nazarlynyň sözlerine görä, indiki ýyldan GBS töleýjisi hökmünde hasaba alynmadyk salgyt töleýjilerinden satyn alnan harytlar we hyzmatlar üçin nagt däl görnüşde töleýän pulunyň belli bir bölegini hem istehlakçilere yzyna gaýtarmak teklip edilýär.