Әзербайжанда келесі жылдан ҚҚС бойынша өзгерістер жоспарланған

Әзербайжан Мемлекеттік салық қызметінің басшысы Орхан Назарлы Милли Меджлістің Экономикалық саясат, өнеркәсіп және кәсіпкерлік комитетінің отырысында келесі жылы ҚҚС-қа қатысты кейбір өзгерістердің болатынын айтты. АЗЕРТАДЖ хабарлауынша, салық базасын кеңейту мақсатында келесі жылдан бастап акциздік тауарлар тізімін кеңейту де көзделген.

Назарлы салықтық бақылау тетіктерін күшейтуге бағытталған жаңа тәсіл көзделгенін және бұл азаматтар үшін қызығушылық туғызуы мүмкін екенін атап өтті. Жобалық өзгерістерде қоғамдық бақылау тетіктерін жетілдіру және олардың қамту аясын кеңейту қарастырылған.

Қазіргі уақытта ҚҚС төлеушілерден сатып алынған тауарлар мен қызметтерге төленген ҚҚС-тың бір бөлігін қайтару тетігі қолданылады. Назарлының айтуынша, келесі жылдан бастап ҚҚС төлеушісі ретінде тіркелмеген салық төлеушілерден сатып алынған тауарлар мен қызметтер үшін қолма-қол емес нысанда төленген соманың белгілі бір бөлігін тұтынушыларға да қайтару ұсынылып отыр.