Rustam Minnihanow Tatarystanda ýollarda howpsuzlygy güýçlendirmegi tabşyrdy

Tatarystan Respublikasynyň Baştutany Rustam Minnihanow, ýakyn günlerde çyg gar, tupan, temperaturanyň peselmegi we buzlaşma garaşylýandygyny aýdyp, respublikanyň ýollarynda howpsuzlyk çäreleriniň güýçlendirilmegini tabşyrdy. Ol bu sözleri Tatarystan Hökümetiniň binasynda geçirilen respublika maslahatynda aýtdy. Maglumaty respublika Baştutanynyň metbugat gullugy habar berdi.

Ulag we ýol hojalygy ministrligine hem munisipalitet başlyklaryna ýollaryň, köçeleriň we ýaýaw zonalarynyň gyş möwsüminde bejerilmegi baradaky talaplaryň ýol we kommunal gullukçylar tarapyndan nähili ýerine ýetirilýändigini barlamak tabşyryldy.

Minnihanow köprülere, howply ýol böleklerine, jemgyýetçilik we mekdep ulag marşrutlaryna hem sosial desgalara barýan ýollara aýratyn üns berilmelidigini nygtady. Onuň sözlerine görä, esasy wezipe adamlaryň howpsuzlygyny we ulagyň üznüksiz hereketini üpjün etmekdir. Ol işiň diňe magistrallarda däl-de, köçe-ýol tory boýunça hem geçirilmelidigini belleýär.