Tatarystanda 9 aýda ters ýola çykmak sebäpli 71 adam heläk boldy

Tatarystanyň Döwlet awtoinspeksiýasy ters ýola çykmagyň howply manewr bolandygyny we gadagan edilen ýerlerde bu manewriň ýol hereketine gatnaşýan ähli adamlary ölüm howpuna salýandygyny habar berdi.

Inspeksiýanyň maglumatlaryna görä, soňky 9 aýda Tatarystanda ters ýola çykmak bilen baglanyşykly ýol hereketi düzgünleriniň bozulmagy netijesinde 151 ýol-ulag hadysasy hasaba alyndy. Olarda 71 adam heläk bolup, 242 adam ýaralandy.

Şeýle bozulma üçin 7 500 rubl jerime ýa-da 4 aýdan 6 aýa çenli sürüş hukugyndan mahrum etmek göz öňünde tutulýar. Gaýtalanan bozulma üçin bir ýyla sürüş hukugyndan mahrum edilýär. Öň administratiw jezalandyrylan we hukuklaryndan mahrum edilen sürüjiniň ýene ýol düzgünlerini bozmagy halatynda 3 ýyla çenli azatlykdan mahrum edilmegi mümkin. Habarda şeýle diýilýär: «Ters ýolagçylykda çaknyşyklaryň köplenç ölüm bilen gutarýandygyny ýadyňyzda saklaň. Ýol hereketi düzgünlerine eýeriň! Durmuşy goraň!»