Tatarstonda 9 oyda qarshi yoʻlakka chiqish sababli 71 kishi halok boʻldi

Tatarston Davlat avtoinspeksiyasi qarshi yoʻlakka chiqishni xavfli manevr deb atadi va taqiqlangan joylarda bunday manevr yoʻl harakatidagi barchani oʻlim xavfi ostiga qoʻyishini maʼlum qildi.

Inspeksiya maʼlumotlariga koʻra, soʻnggi 9 oy ichida Tatarstonda qarshi yoʻlakka chiqish bilan bogʻliq yoʻl harakati qoidalarini buzish natijasida 151 ta yoʻl-transport hodisasi qayd etilgan. Ularda 71 kishi halok boʻlgan, 242 kishi jarohat olgan.

Bunday huquqbuzarlik uchun 7 500 rubl jarima yoki 4 oydan 6 oygacha haydovchilik huquqidan mahrum qilish nazarda tutilgan. Takroran huquqbuzarlik uchun bir yilga haydovchilik huquqidan mahrum qilinadi. Avval maʼmuriy jazoga tortilgan va huquqlaridan mahrum etilgan haydovchi yana yoʻl qoidalarini buzsa, 3 yilgacha ozodlikdan mahrum qilinishi mumkin. Xabarda shunday deyilgan: «Qarshi yoʻlakdagi toʻqnashuvlar koʻpincha oʻlim bilan yakunlanishini unutmang. Yoʻl harakati qoidalariga rioya qiling! Hayotni asrang!»