Özbegistan energetika taslamalaryny açyk tender arkaly ýerleşdirer

Özbegistanyň Prezidenti Şawkat Mirziýoýew ýangyç-energetika pudagynyň maýadarlary bilen açyk duşuşykda, mundan beýläk haýsy sebitde näçe kuwwat zerurdygynyň öňünden meýilleşdiriljekdigini we taýýar taslamalaryň açyk tendere çykaryljakdygyny aýtdy.

Prezidentiň sözlerine görä, geçen ýyllarda energetika taslamalaryny taýynlamakda we maýadarlar bilen işlemekde uly tejribe toplanypdyr. Täze basgançakda her maýadar täze kuwwat döretmek bilen birlikde üpjünçiligiň ynamlylygyny ýokarlandyrmaly we ýitgileri azaltmaly. 2030-njy ýyla çenli 22 müň megawat täze kuwwat döretmek maksat edinilýär; elektrik önümçiliginiň ýyllyk göwrümi 129 milliard kilowatt sagatdan geçer, dikeldilýän energiýanyň paýy 54 göterime ýeter.

Ilkinji basgançakda taslamalar köplenç maýadarlaryň teklip eden sebitlerinde ýerleşdirilipdir. Bu köp serman çekmäge mümkinçilik beripdir, ýöne käbir ýerlerde kuwwatlaryň jemlenmegi elektrigi beýleki sebitlere geçirmegiň çykdajylaryny artyrypdyr. «Bize aýry-aýry elektrik stansiýalary däl, özara baglanyşykly energetika ulgamy gerek», — diýip prezident belledi. Ýakynda umumy kuwwaty 2200 megawat bolan 6 güneş we şamal stansiýasynyň taslamasy açyk tendere çykarylar.