Özbegistanda 627 müň gektar otlak 49 ýylyga mahallalara mugt berler

Prezident Şawkat Mirziýoýew otlaklaryň degradasiýasynyň öňüni almak, suw bilen üpjünçiligi gowulandyrmak we otlaklardan netijeli peýdalanmak barada taslama bilen tanyşdy. Özbegistanda 21 million 255 müň gektar otlak bar, emma olaryň diňe 40 göterimi netijeli ulanylýar.

Ýyl ahyryna çenli 470 mahallä 49 ýyllyga mugt arendaga 627 müň gektar otlak berler; bu ýerler salgytdan azat ediler. Uzak etraplarda mal saklaýan ilat üçin jemgyýetçilik otlaklary dörediler. Hokimlere bir aý içinde toplumlaýyn programmalary tassyklamak tabşyryldy; şu ýyl degradasiýa uçran ýerleriň meýdany 10 göterim, indiki ýyl 20 göterim azaldylar.

Arenda tölegleri ýerli otlaklary dolandyryş edaralarynda galar; bu serişdeler bilen ýyl ahyryna çenli 448 sany täze guýy kazylar we 1 600 guýy abatlanar. Şeýle hem şu ýyl 620 müň gektar otlagyň dikeldilmegi, 2027-nji ýylda bolsa 3,7 million gektar maksat edinilýär.