AKSA Energi Kalečik elektrik stansiýasynyň kuwwatyny 223 MWt-a çenli artdyrar

AKSA Energi Demirgazyk Kipr Türk Respublikasynda işleýän Kalečik elektrik stansiýasynyň gurnalan kuwwatyny goşmaça 35 MWt maýa goýumy hasabyna 223 MWt-a çenli artdyrjakdygyny habar berdi. Anadolu agentliginiň kompaniýanyň beýanatyna salgylanyp habar bermegine görä, stansiýa DTKR-iň elektrik energiýasyna bolan zerurlygynyň takmynan ýarysyny üpjün edýär.

Agentligiň maglumatyna görä, maýa goýumlary Kipr Türk Elektrik Edarasy (KIB-TEK) bilen gol çekilen şertnama boýunça güýje giren goşmaça teswirnama çäginde amala aşyrylar. Stansiýanyň gurnalan kuwwaty 188 MWt bolup, 223 MWt-a çenli ýokarlandyrylar. 2023-nji ýylda gol çekilen ylalaşyga laýyklykda, Kalečik elektrik stansiýasynyň ulanylyş möhleti 2038-nji ýyla çenli uzaldyldy.

AKSA Energiniň baş direktory we ýerine ýetiriji geňeşiniň başlygy Nejdi Agbal adalaryň ykdysadyýeti, ykdysady we sosial ösüşi üçin ygtybarly we güýçli energetika infrastrukturasynyň aýratyn möhümdigini aýtdy. Onuň sözlerine görä, kompaniýa 20 ýyldan gowrak wagt bäri DTKR-de uzak möhletli maýa goýumlaryny amala aşyrýar we energiýa zerurlyklarynyň ösmegi üçin ygtybarly, durnukly çözgütleri hödürlemegi dowam etdirer.