Gazagystan we Kambodža arasyndaky söwda dolanyşygy 3,2% ösdi

Kambodža Patyşalygynyň Premýer-ministri Hun Manet resmi sapar bilen Gazagystana geldi we Astanada garşylandy. Gazagystanyň Prezidenti Kasym-Žomart Tokaýew ýokary myhmany Akordada kabul etdi.

Soňky alty aýda iki ýurduň arasyndaky söwda dolanyşygy 29 million 400 müň dollara ýetdi. Geçen ýylyň şu möhletine görä 3% ösüş esasan import hasabyna boldy. Gazagystana esasan tekstil, trikotaž we aýakgap getirilýär. 2024-nji ýylda Gazagystan Kambodžaya 47 müň dollarlyk gözegçilik we ölçeg enjamlaryny satdy.

Iki ýurduň arasynda diplomatik gatnaşyklar 30 ýyldan gowrak wagt öň ýola goýuldy. Iki ýyl öň bolsa ýurtlar arasynda wagtlaýyn çarter we turistik häsiýetli göni howa gatnawy işledi.