Qozogʻiston va Kambodja tovar ayirboshlashi 3,2 foizga oshdi

Kambodja Qirolligi Bosh vaziri Xun Manet rasmiy tashrif bilan Qozogʻistonga keldi va Ostonada kutib olindi. Qosimjoʻmart Toqayev yuqori martabali mehmonni Oqordada qabul qildi.

Oxirgi yarim yilda Qozogʻiston va Kambodja oʻrtasidagi tovar ayirboshlash hajmi 29 million 400 ming dollarga yetdi. Oʻtgan yilga nisbatan 3 foizlik oʻsish asosan import hisobiga yuz berdi. Qozogʻistonga asosan toʻqimachilik mahsulotlari, trikotaj va poyabzal keltiriladi. 2024-yilda Qozogʻiston Kambodjaga 47 ming dollarlik nazorat-oʻlchov asboblarini sotdi.

Davlatlar oʻrtasida diplomatik munosabatlar 30 yildan ziyod oldin oʻrnatilgan. Ikki yil avval mamlakatlar oʻrtasida vaqtincha toʻgʻridan-toʻgʻri aviaqatnov amalga oshirilgan boʻlib, u charter va turistik xususiyatga ega edi.