Mari El Respublikasynda bäşinji Nasretdinow okuwlary başlandy

Oktýabryň 17-si Mari El Respublikasynda, tatarlar köp ýaşaýan Berenge şäherçesinde bäşinji sebitara ylmy-bilim konferensiýasy — «Nasretdinow okuwlary» başlandy. Bu barada Russiýa Federasiýasynyň musulmanlarynyň Dini müdirligi habar berýär.

Bu çara Russiýa halklarynyň birliginiň ýylynda geçirilýär we «Dürlülikde birlik: Watan taryhynda din, aragatnaşyk we garyndaşlyk gymmatlyklary» temasyna bagyşlanýar. Konferensiýa Mari Eldäki tatar musulmanlarynyň ruhy-ahlak ösüşine uly goşant goşan, Russiýada giňden tanalýan imamlar — Nasretdinowlar neslinin hormatyna geçirilýär. Häzir bu mirasy neslin dowamçylary, olaryň arasynda din işgärleri hem bar, goraýarlar.

Konferensiýada din we jemgyýet işgärleri, respublika we belediýe häkimiýet edaralarynyň wekilleri hem-de ýerli taryhçylar çykyş edýär. Berenge tatar, mari, rus we beýleki milletleriň wekilleriniň dostlukly ýaşaýşy bilen tanalýar. 2010-njy ýylky ilat ýazuwynyň netijelerine görä Berenge etrabynyň ilatynyň 47,74 göterimi tatarlar.