Mari El Respublikasida beshinchi Nasretdinov oʻqishlari boshlandi

17-oktabr kuni Mari El Respublikasining tatarlar koʻp yashaydigan Berenge shaharchasida beshinchi mintaqalararo ilmiy-taʼlim konferensiyasi — «Nasretdinov oʻqishlari» boshlandi. Bu haqda Rossiya Federatsiyasi musulmonlari diniy boshqarmasi xabar berdi.

Tadbir Rossiya xalqlari birligi yilida oʻtkazilmoqda va «Xilma-xillikdagi birlik: Vatan tarixida din, muloqot va qarindoshlik qadriyatlari» mavzusiga bagʻishlangan. Konferensiya Mari Eldagi tatar musulmonlarining maʼnaviy-axloqiy taraqqiyotiga katta hissa qoʻshgan, butun Rossiyaga tanilgan imomlar — Nasretdinovlar sulolasi sharafiga oʻtkazilmoqda. Hozir bu merosni sulolaning avlodlari, jumladan din arboblari asrab-avaylamoqda.

Konferensiyada din va jamoat arboblari, respublika va shahar hokimiyati vakillari hamda mahalliy tarixchilar nutq soʻzlaydi. Berenge tatar, mari, rus va boshqa millat vakillarining inoq yashashi bilan tanilgan. 2010-yilgi aholini roʻyxatga olish natijalariga koʻra Berenge tumani aholisining 47,74 foizi tatarlardir.