Türkiýe Russiýadan dizel ýangyjynyň bir bölegini satyn alar

Türkiýe Moskwa we Waşington arasyndaky ylalaşyk çäginde Russiýanyň global bazarlara üpjün edýän dizel ýangyjynyň bir bölegini satyn alar. Report.az habaryna görä, Türkiýäniň energetika ministri Alparslan Bayraktar bu barada Haber 7 telekanalynda habar beripdir.

Bayraktar bu şertnamanyň ýurduň energetika howpsuzlygy üçin örän möhümdigini nygtapdyr. Onuň sözlerine görä, Russiýa şu aýlarda bu problema duşup başlanda dizel ýangyjynyň eksportyna çäklendirmeler goýupdyr, indi bolsa ABŞ-nyň Prezidenti Donald Tramp bilen dizel ýangyjy boýunça ylalaşyga gelipdirler.

Gepleşikleriň netijesi hökmünde dizel ýangyjynyň bir bölegini Türkiýä getirjekdigini aýdan ministr üpjünçiliginiň göwrümi ýa-da wagty barada jikme-jik maglumat bermändir. Tramp oktýabryň 9-nda Russiýanyň dizel ýangyjynyň ABŞ-a we global bazarlara giň möçberde üpjünçiligi üçin şertnamany yglan edipdir. Şol gün ABŞ-nyň Maliýe ministrligi Russiýanyň dizel ýangyjynyň global bazara girmegine ýol açypdyr we ony 2027-nji ýylyň 7-nji apreline çenli Amerikanyň sanksiýalaryndan wagtlaýyn azat edipdir.