Turkiya Rossiyadan dizel yoqilgʻisi sotib oladi

Turkiya Moskva va Vashington oʻrtasidagi bitim doirasida Rossiyaning global bozorlarga yetkazib beradigan dizel yoqilgʻisining bir qismini sotib oladi. Report.az xabariga koʻra, Turkiya energetika vaziri Alparslan Bayraktar bu haqda Haber 7 telekanalida aytgan.

Bayraktar bu bitim mamlakat energetika xavfsizligi uchun juda muhim ekanini taʼkidladi. Uning soʻzlariga koʻra, Rossiya soʻnggi oylarda bu muammoga duch kela boshlaganda dizel yoqilgʻisi eksportiga cheklovlar qoʻygan, endi esa AQSh Prezidenti Donald Tramp bilan dizel yoqilgʻisi boʻyicha kelishuvga erishgan.

Muzokaralar natijasi sifatida dizel yoqilgʻisining bir qismini Turkiyaga olib kelishlarini aytgan vazir yetkazib berish hajmi yoki muddati haqida batafsil maʼlumot bermagan. Tramp 9-oktabrda Rossiya dizel yoqilgʻisini AQSh va global bozorlarga keng miqyosda yetkazib berish boʻyicha bitimni eʼlon qilgan. Oʻsha kuni AQSh Moliya vazirligi Rossiya dizel yoqilgʻisining global bozorga kirishiga yoʻl ochgan va uni 2027-yil 7-aprelgacha Amerika sanksiyalaridan vaqtincha ozod qilgan.