Özbegistan we ABŞ strategiki hyzmatdaşlyk dialogyna başlady

Özbegistan we ABŞ giňeldilen strategiki hyzmatdaşlyk dialogynyň birinji mejlisini 19-njy oktýabrda Samarkantda geçirdi. Gepleşikleri Özbegistanyň daşary işler ministri Bahtiýor Saidow we ABŞ-nyň Döwlet sekretary Marko Rubio alyp bardy. Muny Özbegistanyň DIM-iniň ýolbaşçysy Saidow habar berdi.

Taraplar iki ýurduň liderleriniň arasynda gazanylan ylalaşyklaryň ýerine ýetirilmegini we ikitaraplaýyn hyzmatdaşlygyň giňelmek perspektiwalaryny ara alyp maslahatlaşdylar. Söwda we maýa goýumlaryny ösdürmek, energetika, möhüm minerallar we ösen tehnologiýalar ugrundaky hyzmatdaşlyk aýratyn üns çekdi. Gün tertibine bilim, medeni-gumanitar baglanyşyklar hem-de howpsuzlyk ugrundaky hyzmatdaşlyk meseleleri hem girizildi.

Saidowyň sözlerine görä, dialogyň täze mehanizmini işe girizmek Özbegistan-ABŞ gatnaşyklarynyň yzygiderli ösüşinde möhüm ädim bolupdyr. Taraplar dialogyň özara ynanjy pugtalandyrjagyna, ortak taslamalary öňe sürjegine we giňeldilen strategiki hyzmatdaşlyk çäginde täze başlangyçlary amala aşyrmaga kömek etjegine umyt edýärler.