Gyrgyzystan sebitdäki transport-logistika habyna öwrüler

Kabar habar agentliginiň 21-nji oktýabr 2026-njy ýylda beren habaryna görä, Gyrgyzystanyň Prezidenti Sadyr Žaparow «Indiki bäş ýyllyk üçin strategik wezipeler hakda» respublika maslahatynda geografiki taýdan daşary ýerleşen sebitlerde ýol gatnawynyň yzygiderli gowulaşýandygyny aýtdy. Ol birleşdirilen transport meýdanynyň ýurduň ykdysady we sebit bitewiligi üçin esasy şertdigini belledi, sebber ol sebitleriň arasynda adamlaryň hereketini we ýükleriň daşalmagyny üpjün edýär.

Prezidentiň sözüne görä, transport pudagy halkara koridorlar we beýleki ýurtlaryň bazarlary bilen integrirlenip, Gyrgyzystany doly möçberli sebit habyna öwrüler. Hytaý – Gyrgyzystan – Özbegistan demir ýoly boýunça taslamalar doly durmuşa geçiriler. Balykçy şäheri «Balykçy – Tamçy – Çolpon-Ata» we «Balykçy – Kočkor – Kara-Keçe – Makmal» ugurlarynyň demir ýol düwünine öwrüler, «Makmal» stansiýasy bolsa içerki we halkara gatnawlary baglaýan esasy düwün bolar.

Sadyr Žaparow ilata we telekeçilere ynamly we hilli kommunal infrastruktura üpjün etjekdigini aýtdy. Ol köne ulgamlary täzelemegi tamamlamagy, arassalaýjy desgalary gurmagy we ähli obalarda inžener infrastrukturyny giňeltmegi öz ileri tutulýan ugurlary hökmünde görkezdi.