Qirgʻiziston mintaqaning transport-logistika markaziga aylanadi

Kabar xabariga koʻra, 2026-yil 21-oktabrda prezident Sadir Japarov kelgusi besh yilning strategik vazifalariga bagʻishlangan respublika yigʻilishida geografik jihatdan olis hududlarda yoʻl qatnovi bosqichma-bosqich yaxshilanayotganini aytdi. U odamlar harakati va yuklar tashilishini taʼminlash mamlakatning iqtisodiy va hududiy yaxlitligi uchun asosiy shart ekanini, buning uchun yagona transport maydoni zarurligini taʼkidladi.

Prezident soʻzlariga koʻra, transport sohasi xalqaro yoʻlaklar va boshqa davlatlar bozorlari bilan integratsiya qilinadi, bu Qirgʻizistonni toʻlaqonli mintaqaviy markazga aylantiradi. Buning uchun Xitoy – Qirgʻiziston – Oʻzbekiston temir yoʻli loyihalari toʻliq amalga oshiriladi. Balikchi shahri «Balikchi – Tamchi – Choʻlpon-Ota» va «Balikchi – Koʻchqor – Qora-Keche – Makmal» yoʻnalishlarining temir yoʻl tuguniga aylanadi, Makmal bekati esa ichki va xalqaro tashuvlarni bogʻlovchi asosiy tugun boʻladi.

Japarov aholi va biznes ishonchli hamda sifatli kommunal infratuzilma bilan taʼminlanishini ham bildirdi. Ustuvor vazifalar sifatida eskirgan tarmoqlarni modernizatsiya qilishni yakunlash, tozalash inshootlarini qurish va barcha aholi punktlarida muhandislik infratuzilmasini kengaytirishni sanadi.