Tokaýew Respublika güni mynasybetli Gazagystanyň zähmetkeşlerini we sungat adamlaryny sylaglady

Gazagystanyň Prezidenti Kasym-Jomart Tokaýew Respublika güni mynasybetli geçirilen dabaraly çäräniň dowamynda ýurduň ösüşine uly goşant goşan raýatlara döwlet sylaglaryny berjekdigini habar berdi. Tengrinews habar berişi ýaly, sylaglananlar arasynda işçi hünärli adamlar, medeniýet işgärleri, mugallymlar, alymlar we saglyk işgärleri bar.

Metallurg Abdraşit Dospanow 40 ýyldan gowrak wagt bäri pudakda işleýär we kakasynyň hünärini dowam etdirýär. Oňa «Gazagystanyň Zähmet Gahrymany» adyna mynasyp bolmak sylagy berildi. Kompozitor Altynbek Korazbaýew «Otan» ordenine, meşhur alpinist Kazbek Waliýew bolsa II derejeli «Barys» ordenine mynasyp bolup.

Mugallym Natalýa Safiulina «Gazagystanyň zähmet siňdiren mugallymy», opera aýdymçysy Talgat Musabaýew bolsa «Gazagystanyň halk artisti» adyna mynasyp boldy. Saglyk işgärleri Anar Abdykulowa we Salima Jumamuratowa «Şapagat» medaly bilen sylaglandy. Jemi 129 zähmet weteran, 473 senagat we gurluşyk işgäri, 200-den gowrak kiçi we orta telekeçilik wekili, 150-den gowrak mugallym we alym, takmynan 120 saglyk işgäri döwlet sylagyna mynasyp boldy.