Kazanda dünýä halal standartlary SMIIC Baş assambleýasynda görkeziler

Kazanda 26–28-nji oktýabr senelerinde Yslam ýurtlarynyň standartlaşdyrmak we metrologiýa institutynyň (SMIIC) Baş assambleýasynyň mejlisi geçiriler.

Mejlis ýyllyk görnüşde geçirilýär. Öňki ýyllarda ol Saud Arabystanynda, Türkiýede we Özbegistanda geçirildi. Rusiýada bolsa ilkinji gezek geçiriler. Bu, institutyň agzasy bolmadyk ýurtda Baş assambleýanyň ilkinji gezek geçirilmegidir. Direktor Maksim Denisow muny Rusiýanyň we Tatarystanyň ýolbaşçylarynyň Yslam dünýäsi bilen hyzmatdaşlygy güýçlendirmek boýunça işiniň netijesi hökmünde bahalandyrdy.

Tatarystanyň Müftiligi Halal standart komitetiniň ýolbaşçysy Abbas Şlýapoşnikow mejlisde tehniki düzgünleriň ylalaşdyrylmagyny, umumy ulgamyň ösdürilmegini, dünýä üçin ýeke halal standartyna geçilmegini we serfikatlaşdyryjy edaralaryň akkreditasiýasyny maslahat etjekdigini aýtdy. Tatarystan üçin esasy netijelerden biri halal laboratoriýasynyň ösmegi bolup biler.

SMIIC Yslam hyzmatdaşlyk guramasynyň çäginde hilini we ulanyjylaryň goraglylygyny üpjün etmek üçin halal standartlary hem goşmak bilen ýeke standartlar işläp taýýarlamak maksady bilen döredildi. Asiýadan we Afrikadan 48 döwlet agza; Russiýa 2019-njy ýylda synçy hökmünde goşuldy.