Rossiýada çaga bakmak üçin tölenýän kesellik möhleti 30 güne artdyrylar

Rossiýanyň Hökümeti kesel çaga bakmak üçin ene-ata berilýän tölenýän 'bolniçnyý' (kesellik güwänamasy) möhletini ýylda 30 güne ulaltmagy meýilleşdirýär. Bu barada Premýer-ministr Mihail Mişustin Ministrler Kabinetiniň mejlisinde habar berdi. Maglumaty RIA Novosti habar agentligi berdi.

Häzirki wagtda ene-atalara çaganyň kesellemegine we ýaşyna görä ýylda 45-120 gün tölenýän kesellik güwänamasy berilýär. Mişustiniň sözlerine görä, käbir ýagdaýlarda çaganyň doly saglygyna dolmak üçin has köp wagt gerek bolup biler, hatda iň ýokary möhlet hem ýetmezligi mümkin. Şeýle ýagdaýda wagtlaýyn işe ukyplylygyny ýitirmek boýunça tölegler togtadylýandygy üçin ene-atalar işe dolanmaly bolýar.

Hökümet maşgalalara kömek etmek üçin kesgitlenen her möhleti ýylda 30 güne uzaldar. Wagtlaýyn işe ukyplylygyny ýitirmek boýunça tölegler hem şol bir möhlete uzaldylar.