Troýada 2 müň 800 ýyllyk süňk flýuta we 4 müň 500 ýyllyk idol kellesi tapyldy

Troýada geçirilen gazuw işleriniň dowamynda 2 müň 800 ýyllyk süňk flýuta we Ir Bürünç döwrüne degişli 4 müň 500 ýyllyk adam şekilli idol kellesi güne çykaryldy. Türkiýäniň Medeniýet we Turizm ministri Mehmet Nuri Ersoý Ministrlik tarapyndan geçirilen Troýa gazuwlarynda tapylan bu eserler barada habar berdi.

Ersoý NSosyal hasabyndaky mälimatynda, Ministrligiň rugsady we goldawy bilen Geljege Miras taslamasy çäklerinde 2026-njy ýyl gazuwlarynda süňk flýutanyň tapylandygyny aýtdy. Ol arhaik döwre degişli flýutanyň 160 ýyldan gowrak Troýa gazuw taryhynda tapylan ilkinji we ýeke-täk saz guralydygyny nygtady.

Idol kellesiniň Troýa II şäher derwezesiniň töwereginde tapylandygyny aýdan Ersoý, bu eserin Ir Bürünç döwrüniň simwolik dünýäsini we Günbatar Anadolydaky medeni özara täsirleri düşünmäge kömek etjekdigini belledi.