Troyada 2 min 800 illik sümük fleyta və 4 min 500 illik idol başı tapılıb

Troya şəhərində aparılan qazıntı işləri zamanı 2 min 800 illik sümük fleyta və Erkən Tunc dövrünə aid 4 min 500 illik insan formalı idol başı üzə çıxarılıb. Türkiyə Mədəniyyət və Turizm naziri Mehmet Nuri Ersoy Nazirliyin apardığı Troya qazıntılarında tapılan bu əşyalar barədə məlumat verib.

Ersoy NSosyal hesabındakı açıqlamasında, Nazirliyin icazə və dəstəyi ilə Gələcəyə İrs layihəsi çərçivəsində 2026-cı il qazıntılarında sümük fleytanın tapıldığını bildirib. O, arxaik dövrə aid fleytanın 160 ildən çox olan Troya qazıntıları tarixində tapılan ilk və yeganə musiqi aləti olduğunu vurğulayıb.

Nazir idol başının Troya II şəhər darvazasının ətrafında tapıldığını deyib. Onun Erkən Tunc dövrünün simvolik dünyasını və Qərbi Anadoludakı mədəni qarşılıqlı təsirləri anlamağa kömək edəcəyini qeyd edib.