Gazagystan Azerbaýjan arkaly nebit eksportyny giňeltmegi meýilleşdirýär

Gazagystan Trans-Hazar ugry boýunça Azerbaýjan arkaly nebit ibermelerini giňeltmegi meýilleşdirýär. Bu barada “KazMunayGaz” milli kompaniýasynyň dolandyryş geňeşiniň başlygy Asxat Hasenow žurnalistleriň soraglaryna jogap berip mälim etdi. Habar Day.az tarapyndan Gazagystanyň metbugatyna salgylanyp berildi.

Hasenowyň sözlerine görä, kompaniýa Hazar deňzi arkaly nebit daşamak möçberini artdyrmagy maksat edinýär. Emma bu ugruň mümkinçilikleri häzirlikçe CPC arkaly ibermeler bilen deňeşdirip bolmajak derejededir. Şeýle hem beýleki nebit öndürijileriň bu ugra bolan gyzyklanmasynyň artýandygyny belledi.

Ibermeleriň has-da artmagy ykdysady şertlere, şol sanda daşaw tariflerine baglydyr. Hasenow şeýle diýdi: “Biziň wezipämiz möçberleri artdyrmak. Biz muny yzygiderli işleýäris. Statistikany bilýärsiňiz, bu ugur boýunça her ýyl ösüş bar. Gyzyklanma uly.”