Eýran Türkmenistany we Türkiýäni birleşdirjek demir ýol üçin maliýeleşdirmäni tassyklady

Eýranyň Yktysady Geňeşi Türkmenistany we Türkiýäni baglaýan demir ýol liniýasynyň gurluşygyny maliýeleşdirmek kararyna geldi. Bu barada Eýranyň Birinji wise-prezidentiniň maglumat portaly habar berdi. Mesele duşenbe güni Birinji wise-prezident Mohammad Reza Aref ýolbaşçylygynda geçirilen Yktysady Geňeşiň mejlisinde görkezildi. Mejlisde goşa ýollu, elektrikleşdirilen Hawaran–Täbriz–Marand–Çeşmeh Soraýa demir ýol liniýasynyň gurluşygy üçin maliýeleşdirme tassyklandy.

Liniýanyň uzynlygy 324 kilometr bolup, onuň gurluşygy üçin tehniki-ykdysady derňewler geçirildi. Ýük otlulary ugur boýunça sagatda 110 kilometre çenli, ýolagçy otlulary bolsa 160 kilometre çenli tizlik bilen hereket etmegi garaşylýar. Eýran wekilleri taslama başlangyç tapgyry üçin 1,8 milliard dollar gerek boljakdygyny çak edýär.

Taslamanyň Eýranyň tranzit ýagdaýyny güýçlendirmegi we sebitleýin yktysady hyzmatdaşlygy ösdürmek üçin mümkinçilikler döredermegi garaşylýar. Eýran bu demir ýol koridory arkaly ýylda Gündogar bilen Günbatar arasynda 15-20 million tonna ýük daşamagy meýilleşdirýär; ol iki ugurda-da Hytaýy we Ýewropany birleşdirer.