Argus Aşgabatdaky ITTC 2026 konferensiýasynda aýratyn mejlis geçirer

Halkara baha agentligi Argus, 24–26-njy noýabrda Aşgabatda geçiriljek «Halkara transport-tranzit koridorlary: özara baglanyşyk we ösüş – 2026» (ITTC 2026) halkara konferensiýasy we sergisi çäginde ilkinji gezek aýratyn mejlis geçirer. Bu barada çäräniň guramaçylaryndan OGUZ Forum & Expo habar berdi.

Mejlisde dünýä haryt bazarlarynyň esasy tendensiýalary, energiýa bahalary we Merkezi Aziýa baha görkezijileri ele alnar. Mejlisi Argusyň Merkezi Aziýa boýunça iş ösdürmek boýunça wise-prezidenti Timur Ilýasow alyp barar; suwlandyrylan uglewodorod gazy (SUG), nebithimiýa, mineral dökünler we ýangyç bazarlarynyň hünärmenleri hem gatnaşar.

1970-nji ýylda Londonda esaslandyrylan Argusyň 32 ofisinde 1500-den gowrak hünärmen işleýär. Agentligiň baha görkezijileri Türkmenistanda nebit, nebit önümleri, SUG we nebithimiýa önümleriniň eksport bahalaryny kesgitlemekde ulanylýar. Konferensiýa 24–26-njy noýabrda Türkmenistanyň Söwda-senagat palatasynda geçiriler.