Azerbaýjanyň ulag koridorlarynda 30 million tonnalyk tranzit maksady

Prezident Ilham Aliýew MDA Döwlet Baştutanlarynyň Geňeşiniň çäklendirilen düzümdäki mejlisinde ýurdunyň häzirki zaman ulag we logistika infrastrukturasyny prakdiki taýdan noldan gurandygyny aýdyp geçdi. Ol Azerbaýjanyň sebitiň esasy ulag düwünlerinden biri hökmünde öz ornuny berkidýändigini we Demirgazyk-Günorta hem Gündogar-Günbatar halkara koridorlary boýunça ygtybarly tranzit üpjün edýändigini nygtady.

Aliýew 2026-njy ýylyň birinji ýarymynda Azerbaýjandan geçen tranzit ýük daşamalarynyň göwrümi 10 göterim ösüp, takmynan 8 million tonna ýetendigini mälim etdi. Onuň sözlerine görä, orta möhletli maksat Gündogar-Günbatar we Demirgazyk-Günorta ugurlarynyň her birinde 15 million tonna ýetirmek, jemi 30 million tonna ýük daşamakdyr. Demir ýollaryna, awtomobil ýollaryna, deniz portlaryna we logistika infrastrukturasyna milliardlarça dollar maýa goýulypdyr.

Milli Mejlisiň deputaty Wugar Baýramow Musavat.com-a beren düşündirişinde Azerbaýjanyň ulag koridorlaryny maliýe, logistika we elektron taýdan goldaýandygyny aýtdy. Ol ähli görnüşli ýük daşamalaryň göwrümini 16 million tonnadan 25 million tonna çykarmak maksadyna üns çekip, şeýle daşamalardan alynýan girdejiniň 5 milliard manada çenli artyp biljekdigini belledi.